whatsapp icon
外匯小學堂

【外匯小學堂 ─不可不知的貨幣搖搖板概念】

by Forex Forest

0518_貨幣搖搖板

聯繫匯率近日屢受衝擊,金管局要頻頻出手托住港元匯價;新聞報導亦會話,資金流走港元轉弱。咁即係點?咩叫港元轉弱?

港紙無咁值錢?答啱一半。
正確答案係,港元相對美元貶值。

點解要強調「相對」?因為貨幣嘅價值並非絕對,一隻貨幣值幾多係要同對手比較、要「秤」出黎,就好似搖搖板咁,一個高、另一邊就會降低,所以每當我地討論某種貨幣價值嘅時候,一定會涉及兩種貨幣、一pair pair咁講,亦即係所謂嘅「貨幣對」,例如美元兌日圓、歐元兌英鎊等;正如係銀行、報價機上會以USDJPY、EURGBP嘅方式表示。排前面嘅叫做基準貨幣,後面為相對貨幣。

嘩!每次都要一pair pair咁睇,炒買投資時會唔會好複雜?其實正正因為外匯好似搖搖板咁嘅獨特架構先讓投資者更加容易獲利!我們只要記住「強打弱」就得啦!即係搵隻強勢貨幣、再搵隻弱勢貨幣組成交易貨幣對,從中將利潤最大化。好似美金近期一直走強,美匯指數升穿100水平,相對而言,日圓因為央行無限量寬而跌跌不休,兩者加埋就形成「強打弱」局面,未來走勢相較明確。如果睇準機會買美金兌日圓向上,利潤隨時倍升。所以投資外匯,我們只需留意貨幣在「搖搖板」上「輕重之分」即可,相比要看過千隻股票的財務報表實在簡單得多!

而在MT4的國際交易平台上更允許投資者進行多種貨幣之雙向買賣,即係可以同時買升,又可以買跌!相比起股票只能買升的市場公平得多,因此獲利的機會也就更多了!

發佈留言

發佈留言必須填寫的電子郵件地址不會公開。 必填欄位標示為 *